إلى رجل
من زمان
لمّا كنت تضحك
كنت أنا أضحك
وقول فرحّني حبيبي
من زمان
لمّا كنت تزعل
كنت أنا إزعل
وإبكي عَ دروب
الحزن الغريبة
من زمان
كنت أحسبك
نجمة صيف
ورقة خريف
قطرة مطر
زهر الشجر
حالة الطقس
العجيبة
من زمان
كنت دوّر عليك
بكروم الدوالي
وأعصر خمري
من صبر الليالي
من الحالة العصيبة
من زمان
شو كنت أنطرك
غار عليك
وأعذرك
وإرضى عيش
بوجودك
بعيدة وقريبة
من زمان
شو تغيّر زمان
من زمان
تغيّر زمانك
يا حبيبي!