عزف منفرد
ـ ﻧﺤﻦ ﻣﺠﺘﻤﻊ ﻣﺨﺘﻠﻒ
ـ ﺷﻮ؟
ـ ﻧﺤﻦ.
ـ إﻱ؟
ـ ﻣﺠﺘﻤﻊ ﻣﺨﺘﻠﻒ.
ـ ﺷﻮ ﻣﺠﺘﻤﻊ؟
ـ لك ﻣﺠﺘﻤﻊ ﻣﺠﺘﻤﻊ، ﻳﻌﻨﻲ ﺷﻌب.
ـ ﺁﺁﺁﺁ ﻣﺠﺘﻤﻊ، إﻱ طيّب ﻭﺷﻮ بعدا؟
ـ ﺑﻌﺪﺍ؟ ﻣﺨﺘﻠﻒ.
ـ ﺷﻮ ﻗﺼﺪﻙ إﻧﻮ ﻧﺤﻨﺎ ﻣﺘﺨﻠﻔﻴﻦ؟
ـ ﻟﻚ ﻻ ﻻ ﻋﻢ ﻗﻮﻝ ﻣﺠﺘﻤﻊ ﻣﺨﺘﻠﻒ.
ـ إﻱ ﻣﺎﺷﻲ.
ـ ﺷﻮ ﻣﺎﺷﻲ ﻳﻌﻨﻲ ﻣﺎ ﻓﻬﻤﺖ ﻗﺼﺪﻱ؟
ـ ﻟﻴﺶ ﺷﻮ ﻗﺼﺪﻙ؟
ـ ﻗﺼﺪﻱ إﻧﻮ ﻣﺠﺘﻤﻌﻨﺎ ﻏﻴﺮ ﻳﻌﻨﻲ ﻣﺎ ﺑﻴﺸﺒﻪ ﺃﻱّ ﻣﺠﺘﻤﻊ.
ـ إﻱ ﻭﺇﺫﺍ؟ ﺷﻮ يعني؟ ﻟﻴﺶ ﻓﻲ ﺷﻲ ﻣﺠﺘﻤﻊ ﺑﻴﺸﺒﻪ ﺍﻟﺘﺎﻧﻲ؟
ـ ﻻ ﻣﺎ ﻓﻲ. ﺑﺲ ﻳﺎ ﺃﺧﻲ ﻣﺠﺘﻤﻌﻨﺎ ﻛﺘﻴﺮ ﻣﺨﺘﻠﻒ.
ـ ﻟﺴﺎ ﺑﻴﻘﻠّﻲ ﻣﺨﺘﻠﻒ! إﻱ ﻃﻴّﺐ ﻛﻤّﻞ.
ـ ﻣﺜﻼً…
ـ ﺷﻮ؟
ـ ﻣثلاً، ﺑﻜﻞ ﺍﻟﻤﺠﺘﻤﻌﺎﺕ ﺑﻴﺤﺒّﻮا ﺑﻌﺾ ﺣﺘﻰ ﻳﺘﺰﻭﺟﻮا، ﺇﻻ ﺑﻤﺠﺘﻤﻌﻨﺎ ﺑﻴﺘﺰﻭّﺟﻮا ﺣﺘﻰ ﻳﺤﺒﻮا ﺑﻌﺾ. ﺑﻜﻞ ﺍﻟﻤﺠﺘﻤﻌﺎﺕ ﺑﻴﺸﺘﻐﻠﻮا ﺣﺘﻰ ﻳﺘﺰﻭّﺟﻮا، ﺇﻻ ﺑﻤﺠﺘﻤﻌﻨﺎ بيشتغلوا ﺣﺘّﻰ يتزوّجوا.
ـ ﻷ ﻭﻟﻮ!
ـ إﻱ ﻣﺘﻞ ﻣﺎ ﻋﻢ ﻗﻠّﻚ.
ـ ﻟﻚ ﺷﻮ إﻱ؟ ﺣﺎﺝ ﺗﻬﺒﻼ عليّي ﻫﻠّﻖ.
ـ ﺇﻫﺒﻞ ﺷﻮ؟
ـ ﺑﺮﺑﻚ ﻭﻟﻮ، ﺃﻧﻮ ع أﺳﺎﺱ ﺣﻄﻴﺖ ﺇﺧﺘﻼﻑ ﺑﻜﻼﻣﻚ!
ـ ﺃﻱ ﺣﻄﻴﺖ، ﻭﺍﺧﺘﻼﻑ ﻛﺒﻴﺮ ﻛﻤﺎﻥ.
ـ ﻭﺷﻮ ﻫﺎﻹﺧﺘﻼﻑ ﻣا ﺰﺍﻟﻚ ﺣﻜﻴﺖ ﻧﻔﺲ ﺍﻟﻜﻼﻡ ﻋﻦ ﺍﻟﺘﻨﻴﻦ!
ـ ﺃﻱ ﺻﺢ ﻗﻠﺖ ﻧﻔﺲ ﺍﻟﻜﻼﻡ ﺑﺲ ﻓﻲ ﻓﺮﻕ ﻛﺒﻴﺮ ﺑﻴﻦ ﺍﻟﻜﻼﻡ ﺍﻷﻭﻝ ﻭﺍﻟﻜﻼﻡ ﺍﻟﺘﺎﻧﻲ.
ـ ﻭﺷﻮ ﻫﺎﻟﻔﺮﻕ؟
ـ ﺃﻧﻮ ﺑﻜﻞ ﺍﻟﻤﺠﺘﻤﻌﺎﺕ ﺑﻴﺸﺘﻐﻠﻮا ﺣﺘﻰ ﻳﺘﺰﻭﺟﻮا ﻳﻌﻨﻲ ﺑﻴﺸﺘﻐﻠﻮا ﻭﺑﻴﺄﺳّﺴﻮا ﺣﺎﻟﻦ ﺣﺘﻰ ﺑﻌﺪ ﻣﺎ ﻳﺘﺰﻭﺟﻮا ﻳﻘﺪﺭﻭا ﻳﻌﻴﺸﻮا ﺑﺮﻓﺎﻫﻴﺔ ﻭﻳﺮﺗﺎﺣﻮا.
ـ إﻱ؟
ـ ﺃﻣﺎ ﺑﻤﺠﺘﻤﻌﻨﺎ ﺑﻴﺸﺘﻐﻠﻮا ﺣﺘﻰ ﻳﺘﺰﻭﺟﻮا، ﻳﻌﻨﻲ ﺑﻴﺸﺘﻐﻠﻮا ﺣﺘﻰ ﻳﻜﻮﻧﻮ ﻋﻢ ﻳﺸﺘﻐﻠﻮا، ﺣﺘﻰ ﻳﻘﺪﺭﻭ ﻳﺘﺰﻭﺟﻮا.
ـ ﻭﺷﻮ ﺻﺎﺭ ﺍﻟﻔﺮﻕ؟
ـ ﻟﻚ ﻳﻌﻨﻲ ﺑﻤﺠﺘﻤﻌﻨﺎ ﻣﺎ ﻫﻤّﻦ إنو ﻳﻌﻴﺸﻮا ﺑﻌﺪ ﺍﻟﺰﻭﺍﺝ.
ـ ﻟﻜﻦ؟
ـ ﻫﻤّﻦ ﻳﺸﺘﻐﻠﻮا ﺣﺘﻰ ﻳﻜﻮﻧﻮا ﻋﻢ ﻳﺸﺘﻐﻠﻮا ﺣﺘﻰ ﻳﻘﺪﻣﻮﻫﺎ بـ cv ﺍﻟﺰﻭﺍﺝ.
ـ ﻟﻚ ﻳﺎ ﻋﻴﻨﻲ ﺃﺻﻼً ﺍﻟﺸﻐﻞ ﻫﻮ ﺷﻐﻞ ﻭﻣﻌﻨﺎﻩ ﺷﻐﻞ ﻭﺑﺲ، ﻭﻣﻦ ﻫﺎﻟﺸﻐﻞ ﺑﻴﻄﻠﻌﻮا ﺷﻮﻳﺔ ﻣﺼﺎﺭﻱ ﻭﺑﻴﺘﺰﻭﺟﻮا ﻓﻴﻬﻦ.
ـ ﺑﺎﻟﻀﺒﻂ.
ـ ﺷﻮ ﺑﺎﻟﻀﺒﻂ؟ إﻱ ﻣﺎ ﻓﺪﺗﻨﻲ ﺑﻮﻻ ﺣﺮﻑ.
ـ ﻫﺎﺩ ﻣﻀﻤﻮﻥ ﻗﺼﺪﻱ. إﻧﻮ ﺑﻴﺸﺘﻐﻠﻮا ﻭﺑﻴﺠﻤﻌﻮا ﻣﺼﺎﺭﻱ ﺣﺘﻰ ﻳﺘﺰﻭﺟﻮا ﻓﻴﻬﻦ، ﻭﺑﻌﺪﺍ ﺑﻴﻜﻮﻧﻮا ﺗﺰﻭﺟﻮا ﻓﻴﻬﻦ ﻭﺻﺮﻓﻮا ﻫﺎﻟﻤﺼﺎﺭﻱ ﻭﺑﻴﻘﻀﻮا ﺑﻘﻴﺔ ﻋﻤﺮﻥ ﻋﻢ ﻳﺘﺤﺴﺮﻭا ﻉ ﻫﺎﻟﻤﺼﺎﺭﻱ.
ـ ﺃﻳﻮﺍﺍﺍﺍﺍﺍﺍﺍ، ﻗﻠﺘﻠﻲ ﻣﺠﺘﻤﻊ ﻣﺨﺘﻠﻒ؟
ـ إﻱ.
ـ إﻱ ﻣﺦ ﻟﻜﻦ ﺣﺘﻰ ﻟﻒ ﻭﺍﻃﻠﻊ ﻣﻦ ﻫﺎﻟﺤﺪﻳﺚ، اﻟﻌﻤﻰ ﺑﻌﻴﻮﻧﻚ ﻋﻬﺎﻟﻠﻒ ﻛﻨّﻮ ﻣﺎ ﺧﻠﻴﺘﻠﻲ ﻣﺨّﻲ ﻳﺼﻴﺮ ﻳﻠﻒّ ﻣﺘﻞ ﺍﻟﻤﺮﻭﺣﺔ. ﺑﺲ ﺑﺪﻙ ﺭﺃﻳﻲ؟
ـ ﻧﺤﻨﺎ ﻣﺠﺘﻤﻊ ﺑﺲ ﻷﻧﻮ ﺍﺳﻤﻨﺎ ﻣﺠﺘﻤﻊ. ﻳﻌﻨﻲ ﻛﻞ ﻭﺍﺣﺪ ﻓﻴﻨﺎ ﺑﻴﺂﻣﻦ ﺑﻜﺘﻴﺮ إﺷﻴﺎ ﺻﺤﻴﺤﺔ ﻭﻣﻨﻄﻘﻴﺔ ﻭﺣﻠﻮﺓ ﺑﺲ ﻭﻗﺖ ﺑﻴﺘﺬﻛﺮ إﻧﻮ ﻫﻮ ﻣﻦ ﻫﺎﻟﻤﺠﺘﻤﻊ، ﺑﻴﺘﺨﻠﻰ ﻋﻦ ﺇﻳﻤﺎﻧو ﺑﻬﺎﻷﺷﻴﺎ ﻟﻤﺠﺮﺩ إﻧﻮ ﻫﻮ ﻣﻦ ﻫﺎﻟﻤﺠﺘﻤﻊ، ﺃﻭ ﺭﺡ ﻳﻜﻮﻥ ﻛﺎﺳﺮ ﻟﻌﺎﺩﺍﺕ ﻫﺎﻟﻤﺠﺘﻤﻊ، ﻋﻠﻤﺎً إﻧﻮ ﺍلإﺷﻴﺎ ﻳﻠلي ﻣﻮﺟﻮﺩﺓ ﺟﻮّﺍﺗﻨﺎ ﻛﺘﻴﺮ، ﻣﻤﻜﻦ ﺗﻜﻮﻥ ﻟﺼﺎﻟﺢ ﺳﻌﺎﺩﺓ ﻫﺎﻟﻤﺠﺘﻤﻊ. ﺑﺲ ﻟﻸﺳﻒ ﻫﺎﻟﺘﺤﺠّﺮ ﺍﻟﻤﺘﺼﻠﺐ ﺑﺎﻟﻤﺠﺘﻤﻊ ﺑﺄﻓﻜﺎﺭﻧﺎ ﺧﺮّﺏ ﺟﻮﺍﺗﻨﺎ إﺷﻴﺎ ﻛﺘﻴﺮ ﺣﻠﻮﺓ ﻭﻳﻤﻜﻦ ﻧﻤﻮﺕ ﻭﻧﺤﻨﺎ ﺧﺎﻧﻘﻴﻨﺎ ﺟﻮّﺍﺗﻨﺎ.
سناء الطرشة