من دفاتر الذكريات
كان بيتنا القديم عبارة عن 3 غرف جنب بعض وقدامهن برندا والارض طبعا.. غرفة منهم كانت المطبخ والحمام وفيها عنبر كبير تحط فيه امي البرغل والعدس والحمص والغرفتين الباقية كانوا للنوم والقعدة وكنا 11 شخص فيهم وما بتذكر بيوم حسينا انه البيت صغير علينا..
هلق كبرت البيوت وضاقت القلوب.. صار لكل واحد غرفة وبيحس الدنيا كلها ضيقة عليه..
ما بقى في شي بيعجبنا ولا بيرضينا.. وبس يروح الرضا من القلوب بتضيق النفوس.. حتى هالوطن اللي جمعنا كلنا بيوم..كتر عم يحسوه ضاق عليهم وما عاد يكفيهم.. صار كل واحد بدو وطن لحالو..ع مقاسو وحده..وبس نرجع نقول الحمد لله على نعمة سورية رح نرجع نشوفها احلى واوسع من الكون كلو…
وفاء حسن