حديث الجمعة
أميّ
حلم… انت حلم
كسرة خبز، فنجان قهوة
جوّ كله ضو…
سهران بنورك العتم
ضحكة صبية انت
صباحك صلاة…
أول ما يشقشق الفجر
وتدندن فيروز عالنغم
ايديكِ طهر…
باقة عروس ملونة
شالك الابيض
غيمة…
نسمة بالسما بيلوح
بيفلفش وراق الشجر
بيعطي للثمرة طعم
ملامح وجك
اللي بتسافر معي
كل ما عالمدينة رحت
و كل ما عالارض تنفست
بصير مأكدة….
وبعرف بوقتا
انه وحدك
انت الحقيقة يا أمي
وكل الخليقة ال غيرك
وهم… بوهم
ميساء الحافظ
