ثقافة وفنون
شو صعب تكون حيط
} جهاد أيوب
كنت بس شوفك يختفي التعب
وتهرب الكلمات ويضيع العتب
يحمل معه زهور وخبايا النور
ويجمل الإيمان وما يعرف البخور
وتصير الصور صدى وما خاف الجمر
وترقص الغيمات وتغرد حبات المطر
والقلب ما يشتكي وما يعرف الخطر…
شو صعب العمر الموجوع
تتركه مليان دموع
وشو صعب تمشي مثل الجمر
وما تلتفت وتخدر القمر
توقف العاصفة وتجن
تركع الشجر وتحن
وانت متل الحيط ما بتكن
وانا ثلج بدوب وبعن
ياخدني الدرب على المجهول
وظنون تشتكي وما تهون
ابكي والبرد ينزل على الخدود
وما احكي والضجيج يصرخ بالوجود…
