طقس

كِان الطّقِس كِللو ضُحُك بِالبَيت

وْمِش فِارقَة صَيْف وشِتِي عَنّا

بَسّ الفَرِق… بَيَّن

وَقْتِ الْلِي إنتَ… عَالزَّبِط مَلَّيْت

هَيكي بِوَقتا… لَـ الدِّني قِلنا

صِرنا يَا بَيِّي بِالشِّتا… نِبرُد

يْفوت البَرِد لَيْنا… كَأنّو كْتير

وْبِالصيف شو بَدَّك بَعِد قِلَّك!

عَم نِفْتَح الشِّبِاك تَنْلِاقي الهَوا

يقوم الهَوا:

يُطلَع… كَأن أَسْخَن… بَعِد بِكتير

بَسّ انْبُسِط… مِش فِارقَة مَعنا

في ضِحْكتَك لِـ مْعَلّقَة عَالحَيط

صَوْتا… طَقِس عاطول جِامِعنا

بْنُضحَك مَعَك مِنْضَحّكَك

وِمْن الضُّحُك:

بتوقَع بَعِد مِن صورتَك

مِتْل الْـ كَأنْ… ضَلَّيْت!

وْبَينِاتنَا ومِن دون مَا تْخَبِّر حَدا

مَجنون…

إي… مجنون

مَجنون يَللي… مْفَكّرَك فَلَّيْت!!

ورد عبدالله